تكات من اكلات دودى - اكلات دودى

اخر الوصفات

الاثنين، 18 يونيو 2018

تكات من اكلات دودى



بصي حببتي اول تكة لو مش عايزة الكفته🍲  تفك منك لما تدخلها الفرن اعصري البصله كويس وحطي البصله بس 🌸🍴

 الفانيليا
يا سلام عليها لو ضيفناها على اي حاجة بتخليها خيال
على العصاير🍹 🍷خصوصا لو اي حاجة فيها لبن🍶
بلح _ جوافة🍐 _ موز🍌️ اي عصير هتحسي طعمه زي اللي بتشربيه في احلى الكافيهات🍋🍹
وممكن نضيفها على الفيشار🍚 كمان
مش بقولكوا الفانيليا دي حاجة تحفة🌸

تالت تكه
اما بسيح السمن بضيفله ورق لورى وحبهان🌿
بيديله ريحة حلوة اوي ويتخزن لمدة سنة بنفس الريحة🌸

 رابع تكه
صلصة الكشري🍧 اما بعملها وتخلص بعملها طشة توومة بكزبرة كتيير بتفرق في طعم الكشري


خامس تكه
اما تشتري اللبن 🍶وتحسي او تشكي انه ممكن يكون رايب
او هيروب وهو بيغلي اول ماتحطيه عالنار ضيفيله معلقة بيكنج بودر كبيرة وقلبيها فيه
ان شاء الله مش هيروب خالص🌸

 سادس تكه
حفظ الخضروات 🌿الورقية زي الشبت والبقدونس🌱 والجرجير 🌿انا بغسلهم وانشفهم في فوطة نظيفة بس مش يكون فيه نقطة مية واحدة والفها في ورق ابيض نظيف مش كيس علشان الكيس بيعمل بخار مية وينزل عالخضار يسوده ويبوظه🌸

سابع تكه بواقي الكيك 🍞
لو عندي بواقي كيك بفتته واعمله تورتة جيلي
بعمل في قالب جيلي واما يجمد بفتت عليه نص الكيك 🍣وبعدها طبقة كريم شانتي وبعد كده باقي فتافيت الكيك واصب باقي الجيلي واسيبه يبرد في التلاجة تانى🍰🌸

تامن تكه
الملوخية🌿 انا بضيفلها كزبرة خضرا وتتخرط معاها بتكون لذيذة اوي

 تاسع تكه
اما تخزني خضار او فاكهة🍆🍅🍏🍍 في الفريزر ما تنسيش تخرجي الهوا اللي في الكيس علشان الحاجة اللي جوا ما تسودش وتفضل محتفظة بلونها🌸

عاشر تكه
لو عاوزة تعملي اكلة شكلها شيك وموفرة في نفس الوقت ممكن تعملي الشيش طاووق الكداب🍡 😂بس بدل الفراخ تحطي بطاطس مكعبات وطعمها يجنن👌 وشكلها جميل🌸

التكه 11
لو عندك بواقي رز 🍨🍪ممكن تضيفي عليه بيضة وبهارات وتعمليها في الكبة تكوريها زي الكبيبة وتفتحيها من النص وتحشيها جبنة بزيتون وفلفل او بيضة مسلوقة  وتقليها في زيت🌸

 التكه 12
لو السويسرول🍱 اتكسر او اتفتت منك وانتي بتلفيه اعمليه تورتة🍣 مستطيلة اقسميها اتنين 🍣بالطول واعمليها زي ما بتعملي التورتة عادي احشيها كريم شانتي من النص وضيفي النص التاني وزوقيها على زوقك انا عملت معايا كده وقلبتها تورتة🍰🌸

-تكه 13
لو هتعملي رز بالخلطة ومكسلة تعملي الكراميل انا بضيفله معلقتين عسل اسود طعمه بيكون حلو 👌 بجد🌸

 آآآخر تكه
اما بعمل شوربة 🍜لسان عصفور بحمرها واسيبها شوية علشان لو ضيفت عليها الشوربة على طول لسان العصفور بشقق كأنه مكسر🌸