رول بفتيك بالرز والمشروم - اكلات دودى

اخر الوصفات

الجمعة، 22 يونيو 2018

رول بفتيك بالرز والمشروم


المقادير:
1/4 كيلو لحم بفتيك رفيع مدقوق
ملعقتين كبار زيت
1/4 كوباية مشروم
1 ملعقة صغيرة جوزة الطيب
1 ملعقة صغيرة بصل بودرة
1/4 كوباية أرز أبيض مستوى
لتجهيز البشاميل
3 ملاعق كبيرة دقيق
3 ملاعق كبيرة زبدة
كوباية كريمة طبخ
كوباية لبن
ملعقة صغيرة جوزة الطيب
لتتبيل اللحمة
1 ملعقة صغيرة ملح
1 ملعقة صغيرة فلفل أسود
1 ملعقة كبيرة دقيق
خطوات التحضير:
١- تبلي البفتيك بالملح والفلفل والدقيق ورشة جوزة الطيب وشوحيه في طاسة بالزيت تشويحه بسيطة وشيليه على جنب.
٢- شوحي المشروم وقلبيه كويس في نفس الطاسة وبعدين ضيفي الرز الابيض الجاهز وقلبيهم مع بعض كويس وابدأي احشي بيهم البفتيك بمعلقة صغيرة على كل شريحة بفتيك ولفيها رول ورصيها فى صينية الفرن.
٣- جهزي بشاميل خفيف، حمري الدقيق في الزبدة وضيفي اللبن وكريمة الطبخ وقلبي كويس ورشي عليه ملح وفلفل وجوزة الطيب، حطي البشاميل على البفتيك ودخلي الصينية الفرن لمدة نص ساعة .. وقدميها بالهنا والشفا.