كنافة بالجمبرى - اكلات دودى

اخر الوصفات

الجمعة، 22 يونيو 2018

كنافة بالجمبرى


كلنا متعودين ناكل الكنافة حلوة بس انهاردة هنعملها بطريقة مختلفة!
هنعمل انهاردة رول الكنافة بالجمبري في 3 خطوات.(قلبي-قطعي-حطي)
المقادير:
زيت للقلى
ربع كيلو كنافة
كيلو جمبري مقشر
نص كوباية دقيق
ملعقة عصير ليمون
ملعقة صويا صوص
ملعقة خل
ملعقة بهارات سمك
ملعقة ملح
مياه
الخطوات:
١- قلبي كل المكونات مع بعض ما عدا ( الدقيق، المياه، الجمبري، والكنافة) في طبق كبير وبعدين ضيفي الجمبري وسيبيه لمدة ساعة عشان يمتص البهارات.
٢- اقطعي الكنافة شرايح طويلة وفي طبق متوسط اخلطي الدقيق والمياه واغمسي الجمبري وبعدين لفي حبات الجمبري  بالكنافة لتغطيها تماماً.
3- حطي طرف الجمبري في الدقيق وبعدين اقليه في زيت سخن وطلعيه لما لونه يكون دهبي وبالهنا والشفا.